Mitin hian mahni tawkah duhthusam kan nei theuh awm e. Kan suangtuahna te a taka thlen tir turin mawhphurhna  chu keimahni kutah a in nghat a. A sappui tawng takin 'dreams come true' thlen tir turin nitin ke kan pen zel a ni. Kan duhthusam ram thlenna tur kawngah hian harsatna te hlimna te zawh chang a awm thin. Chutiang hunah chuan eng ang mi nge kan ni tih chu kan harsatna tawh atangin a lo lang chhuak thin. Dam chhan nei lo turin Siamtu hian he khawvelah hian min dah lo va. Kan theihna ang zela hmalam pen tura ruat kan ni. Duhthusam ram a taka chan tir tura kan ke pen dan erawh keimahni in pekna ah thui tak a innghat.