Sik leh sa a lo inthlaka, thlasik khawvawtin mual a liam a, thal a lo in tan a. Boruak vawt tak thin kha a lo lum chho a. Ni dul tak thin kha a lo tang chho bawk a. Thereng hram vawl vawl te pawh hriattur a lo awm ta. Tlaizawng parin til lam a pan fel ta maw tih ah fartuah leh vau an lo par vul chiai leh a. Hawina lam apiangah romeiin tlang a bawh paw chiai bawk a. Nipui thereng hram val val kara boruak lum sa halh ti dai tura zothlifim dai raih maiin min han chhem thaw hiai hiai mai chu nuam tak a ni.
Thingtlanga awm i nih chuan he Zoram nipui nawm zia hi i hrechhuak fo thin ang. Lo lamah hna tul em em a awmlo a. Sangha vuak leh ramvah bak chu tih tur a awm meuh lo. In lamah i awm a nih erawh chuan : Ralkhata herawt her ri lo ri riai riai te, ui bauh thawm te, thlifim in a khiang hnah a chhem phet hlerh hlerh te chu i hmuh leh hriat a ni ang. Khawnge ka ramvak lo mai teh ang i ti a nih pawhin Mual veng lama nula puantahna bulah va tap mai mai pawh thil nuam a lo ni leh zel nen. Chapchar awllen lai a nih avangin lo neia eizawngte tan chuan hunawl chu a tangkai thei ang bera hman tumin awm awl satliah tum ngawt loin chawhmeh ilo fahran leh thingtuah tur han chhek khawlna hun atan he hun hi a lo remchang leh zel nen. Zan lamah nise, tlangval tan nula rim a han lenchhuah a lo nuam a. Thla en zan te phei chuan tingtang se dar tiah lawng nen in ak chhuaka nula rimna kawmchar a han zai vang vang te chu thil thlakhlelhawm leh nuam tak a lo ni vei nen. Kan phak tawk a san leh san loh hi kan nun hlimna ah a in nghat lo a, mahni theuh ah kan hlim tawk ve em em thin.
Kan kual thui ta mah mah dawn. Khawnge he nipui hunah hian ram lam han fang ve thung teh ang aw... Khua a thal a, luite tuiin kiam lam a pan a, theh kang theih tur tawk lekin tui a tlem takah chuan thian zaho in luite tui theh kang a han chhuah te kha a va nuam thin em! Mineral water lei ngai hauh lovin, chhawl a hal deuh paw'n luite tui luang fim thap kak mai han in ila chhawl hal a dawm hliah hliah thin. Chuan le, kan tui theh kang na tur hmun chu kan han thleng a, khup chen vel a thuk chu kan han theh kang a, sangha te leh kaikuang tal phar phar kan han man a. Chhungkaw ei khawp tling tha thum lo mah se, kan chhun chaw hmeh tur ai chuan a tam a. Mau thei ah kan han chhum a, changel hnah chungah kan han bun a le... duh aia tam hi kan ei teuh ta mai thin. Hlim takin kan han haw a, chhuah tlang ah thu hah chawlin zothlifim thaw heuh heuh kan han dawn meuh chuan hah a dam sawng sawng mai thin. Ni, chu hun, zoram nipui ah chuan hlimna hi kan kiangah hmuh theihin a lo hnai a, kan pan a, kan chen ve thin.
Thingtlanga awm i nih chuan he Zoram nipui nawm zia hi i hrechhuak fo thin ang. Lo lamah hna tul em em a awmlo a. Sangha vuak leh ramvah bak chu tih tur a awm meuh lo. In lamah i awm a nih erawh chuan : Ralkhata herawt her ri lo ri riai riai te, ui bauh thawm te, thlifim in a khiang hnah a chhem phet hlerh hlerh te chu i hmuh leh hriat a ni ang. Khawnge ka ramvak lo mai teh ang i ti a nih pawhin Mual veng lama nula puantahna bulah va tap mai mai pawh thil nuam a lo ni leh zel nen. Chapchar awllen lai a nih avangin lo neia eizawngte tan chuan hunawl chu a tangkai thei ang bera hman tumin awm awl satliah tum ngawt loin chawhmeh ilo fahran leh thingtuah tur han chhek khawlna hun atan he hun hi a lo remchang leh zel nen. Zan lamah nise, tlangval tan nula rim a han lenchhuah a lo nuam a. Thla en zan te phei chuan tingtang se dar tiah lawng nen in ak chhuaka nula rimna kawmchar a han zai vang vang te chu thil thlakhlelhawm leh nuam tak a lo ni vei nen. Kan phak tawk a san leh san loh hi kan nun hlimna ah a in nghat lo a, mahni theuh ah kan hlim tawk ve em em thin.
Kan kual thui ta mah mah dawn. Khawnge he nipui hunah hian ram lam han fang ve thung teh ang aw... Khua a thal a, luite tuiin kiam lam a pan a, theh kang theih tur tawk lekin tui a tlem takah chuan thian zaho in luite tui theh kang a han chhuah te kha a va nuam thin em! Mineral water lei ngai hauh lovin, chhawl a hal deuh paw'n luite tui luang fim thap kak mai han in ila chhawl hal a dawm hliah hliah thin. Chuan le, kan tui theh kang na tur hmun chu kan han thleng a, khup chen vel a thuk chu kan han theh kang a, sangha te leh kaikuang tal phar phar kan han man a. Chhungkaw ei khawp tling tha thum lo mah se, kan chhun chaw hmeh tur ai chuan a tam a. Mau thei ah kan han chhum a, changel hnah chungah kan han bun a le... duh aia tam hi kan ei teuh ta mai thin. Hlim takin kan han haw a, chhuah tlang ah thu hah chawlin zothlifim thaw heuh heuh kan han dawn meuh chuan hah a dam sawng sawng mai thin. Ni, chu hun, zoram nipui ah chuan hlimna hi kan kiangah hmuh theihin a lo hnai a, kan pan a, kan chen ve thin.
